Вышавська Долина або Вішовелдь (рум. Valea Vișeului, мад. Visóvölgy) — село в повітови Мараморош у Румунії, часть комуны Быстрый.
Полога Вышавська Долина ся розміщат на вплыві рікы Вышавы в Тису, на державнуй граници з Украинов. Через Тису межит из Требушанами и їх присілком Хмельовом (мосты были порозбивані в 1944). Село уддаленоє на 8 км уд центра комуны Быстрого, на 30 км уд вароша Сигота. Служило важным желізничным узлом на маршруті Сигут-Рахово (спертый у 2007).
Історія Споминат ся у 1411. годі як властництво петрувськых немешув. Залюдненя села ся удбыло в XVII. столітю, в часі гуцулської колонізації долины Вышавы. Адміністративно ся ділило на дві части: западну (приналежну Вышнуй Рувнуй) и восточну (приналежну Требушанам)Бевка, с. 47. Зачаточна назва села — Поляна, пак Ровенська Поляна; назва Вышавська Долина (Visóvölgy) заведена в 1904. годі.
У 1920. годі, по паду Австро-Мадярщины, Вышавська Долина удышла Румунії (у 1940-1944 пуд владов Мадярщины). У меживоєнный час Вышавська Долина дустала окрему сілську адміністрацію, пак у 1950. годах была прилучена до сілського уряду в БыструмБевка, с. 47-48.
Жителі села історично заробляли рубаньом ліса, сплавльованьом бокорув, вадасков, скотарством, иманьом рыб, робили в Требушанах на копалнях, желізнуй и склянуй гутахБевка, с. 48, 50, 53.
Култура Перша деревляна церьков у Вышавськуй Долині поставлена в 1880. годіБевка, с. 62, дале сут споминкы за деревляну церьков 1925. году будованя. У 2000-2001. годах поставлена нова грекокатолицька деревляна церьков. Нова православна мурована церьков поставлена в 2002. годі
Школа у Вышавськуй Долині основана в 1900. годахБевка, с. 56, нова ґімназія поставлена в 1960. годі.
Вішовелдськый говур удносит ся до гуцулського діалектаПриміры текстув з Вышавської Долины мож найти в роботі Павлюк, Робчук, с. 182-202. Вішовелдці носят назывку млинкарі, млинникы (село не мало свуй млин, зато ходили молоти до сосідув)Бевка, с. 50.
Родакы Гаврило Клемпуш (1910—1990), поет
Референції
Катеґорія:Населены пункты подля алфавитуКатеґорія:Населены пункты Румынии